सम्झना पातालिन्छ

जीवनको उर्जा रहेसम्म

तपाई बलिरहनुहुन्छ

जो राखिएको हुन्छ

थपिएको हुन्छ

तर त्यसको मात्रा रहन्छ

सीमा वा अवधि रहन्छ

त्यो बल्छ

मजाले बल्छ

दन्किएरै बल्छ

तपाई प्रकाश छरिरहनुहुन्छ

सामार्थ्यमा ताप, राप दिनुहुन्छ

तताउने त के

उस्तै परे

भस्मै पार्नुहुन्छ

तर एकदिन तपाई

निसन्देह निभ्नुहुन्छ

सकिनुहुन्छ

अनि जीवितहरूको देशमा

सम्झनाको मुस्लो

एक पटक मडारिएर उठ्छ

स्पष्टै देखिने आकारहरू बन्छ

तर त्यो पनि सकिन्छ

क्रमशः हराएर जान्छ

सम्झना पातालिन्छ

अन्ततः विलय नै हुन्छ।

यू. / १५/७/२०७०

U/November 1, 2013